గోకులాష్టమి

శ్రీకృష్ణుడి వ్యక్తిత్వంలోని వివిధ కోణాలను పరిశీలిస్తుంటే మనం ఎంతో ఆశ్చర్యానికి లోనవుతాం. ఒక పురాణ పురుషుడి సర్వ సమగ్ర వ్యక్తిత్వానికి అది గొప్ప ఉదాహరణగా తోస్తుంది. మనిషిగా దిగివచ్చినప్పుడు అవతారమూర్తి మామూలు వ్యక్తిలా ప్రవర్తిస్తూనే, మహిమాన్విత విద్యలు ప్రదర్శిస్తాడు. అలౌకిక ప్రజ్ఞా వికాసం కనబరుస్తాడు. అప్పుడే దాన్ని పరిపూర్ణ అవతారతత్వంగా చెబుతారు. పరిపూర్ణతత్వం లోకంలో సాధారణ మనిషిగా ప్రవర్తించేటప్పుడు- మానవ ఇతిహాస మహా సౌందర్యం ద్యోతకమవుతుంది. మహిమాన్వితంగా వ్యక్తమయ్యేటప్పుడు- ఆ తత్వంలోంచి అరుదైన బ్రహ్మకమలం లేదా సౌగంధిక కుసుమ సౌరభం ఆవిష్కారమవుతుంది. అది దివ్య విభూతి పరిమళం. అలా అట్టడుగు స్థాయి నుంచి అత్యున్నత స్థాయికి విస్తరించిన జీవన ప్రస్థాన అంతరాన్ని అధ్యయనం చేయాలనుకున్నవారికి- కృష్ణకథ అద్భుత పాఠ్యగ్రంథమే. అంతటి సర్వ సంపూర్ణ వ్యక్తిత్వాన్ని ప్రపంచంలోని మరే సాహిత్యం తిరిగి సృజించలేక పోయింది. విశ్వ వాంగ్మయానికి శ్రీకృష్ణుడు ఆ తరహా ఏకైక ప్రామాణిక నమూనా!

భారతీయ పురాణగాథలు మనకు ప్రధానంగా రెండు రకాల కృష్ణులను పరిచయం చేశాయి. వారిలో భాగవత కృష్ణుడు విశేష రసజ్ఞ మనోజ్ఞమూర్తి. భారత కృష్ణుడు అసాధారణ అలౌకిక ప్రజ్ఞానిధి. ఈ రెండు రకాల పాత్రల స్వభావాలు విభిన్నమైనవి, సర్వ సమగ్రమైనవి. భాగవత కృష్ణుడి బాల్య చేష్టలు ముగ్ధమోహనాలు. పసిబాలుడు భయంకర రాక్షస మూకలను మట్టుపెట్టినప్పుడు జనం నివ్వెరపోవడం సహజం. అవతార పురుషుడిగా అనుమానించడం సర్వసాధారణం. అలాంటివారిని తిరిగి మాయలో ముంచెత్తే సమ్మోహన వశీకరణ సామర్థ్యం బాలకృష్ణుడికి వెన్నతో పెట్టిన విద్య. అమ్మానాన్నలు, సావాసగాళ్లు, గోపికలు... అందరూ ఆ మాయలో మునిగినవారే!

చిలిపి చేష్టల ముసుగులో చిన్మయ తత్వాన్ని ఆవిష్కరిస్తుంటే లోక దృష్టికి సమ్మోహనకరంగా, లోచూపునకు సంక్లిష్టభరితంగా గోచరిస్తుంది. అలా జనాన్ని అయోమయానికి గురిచేయడంలో శ్రీకృష్ణుడంతటి ఘటికుడు మరొకడు కనిపించడు. గోప బాలురకు అనుంగు చెలికాడిగా, గోపికలకు వెన్నెల వేలుపుగా ఆటపాటలతో అలరించిన అపూర్వ ఘట్టాలను అనుశీలించేటప్పుడు మనమూ చటుక్కున వారిలా మారిపోవడాన్నే మనవాళ్లు ‘కృష్ణమాయ’ అన్నారు. నీలి వెన్నెలలు, వేణుగానాలు, వన విహారాలు, దాగుడుమూతలు, రాసలీలలు... వాటి రమణీయ రసానుభూతులను మనకూ పంచిన ఆర్ద్ర మనోహర ఆప్త సఖుడు మరొకడు ఏడి?

భారత కృష్ణుడు ధీరోదాత్తుడు. రాజనీతిజ్ఞుడిగా, వ్యూహ చతురుడిగా, వ్యక్తిత్వ వికాస నిపుణుడిగా, అసామాన్య ప్రోత్సాహకారిగా, స్ఫూర్తిదాతగా, నేతగా... ఎన్నో కోణాలు భారత కృష్ణుడి వ్యక్తిత్వంలో ఆవిష్కృతమయ్యాయి.

గీతాచార్యుడిగా శ్రీకృష్ణుడి వ్యక్తిత్వం శిఖరాయమానమైనది. ఒక గొప్ప మానసిక శాస్త్రవేత్తగా ఆయనను ‘భగవద్గీత’ మనకు పరిచయం చేసింది. అది లోకం అంతటికీ వర్తించే అపూర్వ ధీర వచనం. గీతాప్రవచనం భారతకృష్ణుణ్ని గొప్ప ‘జగద్గురువు’ను చేసింది. దేశ పరిమితులను దాటించి కృష్ణుణ్ని ‘శాశ్వత ధర్మ గోప్త’గా నిరూపించింది. ‘గోప్త’ అంటే నిర్దేశకుడు. భాగవత కృష్ణుణ్ని అధ్యయనం చేయడమంటే మనిషి తనలోని అంతరలోకాల్లోకి ప్రయాణించడం! భారత కృష్ణుణ్ని అనుశీలించడమంటే- విశ్వరూప సందర్శన భాగ్యాన్ని ఆపేక్షించడం! దేనివైపు మొగ్గు చూపుతామన్నది ఆ జన్మ సంస్కారానికి చెందిన ఒక అభిమతం.

‘ఏ రకంగానైనా నన్ను పొందండి’ అని లోకానికి సూచించిన సంపూర్ణ అవతారమూర్తి పుట్టిన రోజును మనవాళ్లు- ‘గోకులాష్టమి’గా, ‘కృష్ణ జయంతి’గా రెండు రకాలా వ్యవహరించడంలోని రహస్యమది!
---------------------------------------------------------------------
కన్నయ్య చిట్టి పాదాలను కళ్ళారా చూద్దామా !
చిన్ని కృష్ణుడి లీలలను తలచుకుంటూ ఉంటే మహదానందం కలుగుతుంది. ఆయన రూపం ముగ్ధ మోహనంగా ఉంటుంది. చలాకీగా తిరుగుతూ అందరికీ ఆనందాన్ని పంచే బాలకృష్ణుడి ఆటపాటలు మనసుకు ఉల్లాసాన్నిస్తాయి. బృందావనంలో మురళీ కృష్ణుడు నడయాడినట్లు చెప్పుకుంటున్న స్థలాలను, ఆయన పాదముద్రలను, స్నేహితులతో కలిసి భోజనం చేసిన స్థలాన్ని ఓ ఔత్సాహికుడు యూట్యూబ్‌‌లో పోస్ట్ చేశారు.

ఈ వీడియోలో ...
బృందావన్‌లోని రాధా దామోదర్ మందిరంలోని శ్రీ సింహాసనంలో చిన్న కృష్ణుడి పాద ముద్రలు ఉన్నాయని చూపించారు. సముద్ర మథనం సమయంలో గరుత్మంతుడు అమృత కలశాన్ని దాచినట్లు చెప్తున్న చెట్టును కూడా ఈ వీడియోలో చూడవచ్చు. చరణ్ పహాడీ అనే ప్రాంతంలో గోపీలోలుడైన కృష్ణుడు సంచరించినపుడు పడిన పాద ముద్రలను వీక్షించవచ్చు. ఓ చెట్టుపై రాధే కృష్ణ అని కనిపిస్తుండటాన్ని చూపించారు. చిన్ని కృష్ణుడు తన తోటి గోపాలురతో కలిసి భోజనం చేసినట్లు చెప్పుకుంటున్న స్థలాన్ని కూడా ఈ వీడియోలో చిత్రీకరించారు. బృందావనంలోని కలియా ఘాట్‌లో కూడా ముద్దులొలికే కృష్ణుడి పాద ముద్రలు ఉన్నాయని ఈ వీడియో వివరిస్తోంది. మీరూ ఆనందించండి.

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

శివాయ విష్ణు రూపాయ..

చిత్రం
శివకేశవులకు భేదం లేదు. శివుణ్ణి పూజిస్తే విష్ణువును పూజించినట్టే.శివుణ్ణి ద్వేషిస్తే శ్రీహరినీ ద్వేషించినట్టే.ఈ పరమార్థాన్ని చెప్పేవే పంచారామాలు. శివరాత్రి నేపథ్యంలో మనరాష్ట్రంలోని ఈ అయిదు పవిత్ర క్షేత్రాల గురించీ.. మనుషులు సులభంగా మోక్షాన్ని పొందే మార్గం చెప్పమని ఓ సారి పార్వతీదేవి పరమ శివుణ్ణి అడిగిందట. అప్పుడు ముక్కంటి... ‘‘ శ్రీరామరామరామేతి రమేరామే మనోరమే  సహస్రనామ తత్తుల్యం రామనామ వరాననే ’ అని చెబుతూ.. ‘రామ నామాన్ని మించినది మరొకటి లేదు. ఈ ఒక్క శ్లోకాన్నీ చదివితే సహస్ర నామాలు చదివిన ఫలితం వస్తుంది’ అని సెలవిచ్చాడట.శివ, కేశవులు వేరు కాదనే సత్యాన్ని ప్రపంచానికి చాటిచెప్పడానికే పరమేష్ఠి అలా చెప్పాడట.ఇదొక్కటే కాదు..మన పురాణేతి హాసాలు ఎన్నో సందర్భాలు ఇదే విషయాన్ని స్పష్టం చేశాయి. శివకేశవులకుభేదం లేదనీ స్కందపురాణంలోనూ ఉంది. ‘ శివాయ విష్ణు రూపాయ శివరూపాయ విష్ణవే  శివస్య హృదయం విష్ణుర్విష్ణోశ్చ హృదయం శివః’   అంటే ... శివుని రూపమే విష్ణువు , విష్ణువు రూపమే శివుడు అన్నమాట. అలాంటి శివకేశవుల ఏకత్వానికి ప్రతీకలు పంచారామాలు. నేను సంహరించలేను: తారకసురుడు పర...
మరింత చదవండి

అయ్యప్పస్వామి పూజ మరియు దీక్ష విధానం

చిత్రం
గణపతి ప్రార్ధన శుక్లాం బరధరం విష్ణుం శశి వర్ణం చతుర్భుజం   ప్రసన్న వదనం ధ్యాయేత్ సర్వ విఘ్నోపశాంతయే ! అగజానన పద్మార్కం గజానన మహర్నిశం   అనేక దంతం భక్తానాం ఏకదంత ముపాస్మయే !! అయ్యప్ప స్వామి వారి ప్రార్ధన అఖిల భువన దీపం భక్త చిత్తాజ్జ సూర్యం సుర గణ ముని సేవ్యం తత్త్వ మస్యాది లక్ష్యం ! హరి హర సుత మీశం తారక బ్రహ్మ రూపం శబరి గిరి నివాసం భావయే భూత నాదమ్ !! || అరిషడ్వర్గాల అంతానికే అయ్యప్పస్వామి దీక్ష || మానవ జన్మకి పరమార్థం మోక్షాన్ని పొందడమే - అందువలన ఆధ్యాత్మిక సాధనలో అనుక్షణం అడ్డు తగిలే కామ, క్రోధ, లోభ, మోహ, మద, మాత్యర్యాలనే అరిషడ్వర్గాలని అధిగమించడం కోసమే అయ్యప్ప దీక్షను వహించాల్సి వుంది.   "జీవానాం నరజన్మ దుర్లభం" - సకల చరాచర జీవరాశులన్నిటికన్నా మానవుడే శ్రేష్టుడు గనుక, ఋషి అంతటి వాడవ్వల్సిన మనిషి మసై, బూడిదై పోకూడదని, ఈ జన్మలోనే ముక్తిని పొంది "మానవుడు తన జన్మను చరితార్థం చేసుకోవాలనే" ఉద్దేశంతో 41 రోజులు దీక్షను ఆచరించి, ఆ దీక్షలో పొందిన ఆధ్యాత్మిక ఆనంద, అనుభవాలను మానవుడు తన జీవితకాలమంతా పొంది తద్వారా మోక్షాన్ని పొం...
మరింత చదవండి

శివుని రూపాల వెనకున్న అంతరార్థం ఇదే!

చిత్రం
భారతీయ సంప్రదాయంలో శివుడికి ఎన్నో రూపాలు ఉన్నాయి. మన అవగాహన ఎక్కువగా రూపానికి పరిమితమైంది కాబట్టి మన సంస్కృతిలో , సంప్రదాయాల్లో ఈ ‘ శివ ’ త్వానికి ఎన్నో అద్భుతమైన స్వరూపాలను సృష్టించుకున్నాం. నిగూఢమూ , అగోచరమూ అయిన ‘ ఈశ్వరుని ’ గా , మంగళకరుడైన ‘ శంభుని ’ గా , లౌక్యం తెలియని ‘ భోళా శంకరునిగా ’ సకల వేదాలూ , శాస్త్రాలూ , తంత్రాలూ బోధించిన గొప్ప గురువు ‘ దక్షిణామూర్తి ’ గా , ఎవరినైనా ఇట్టే క్షమించేసే ‘ అశుతోషుని ’ గా , ఆసృష్టికర్త రక్తాన్నే శరీరానికి అలుముకున్న ‘ కాలభైరవునిగా ’, ప్రశాంతతకు ప్రతిరూపమైన ‘ అచలేశ్వరునిగా ’ బ్రహ్మాండ నృత్యకారుడైన ‘ నటరాజు ’ గా ఇలా జీవితానికి ఎన్నెన్ని పార్శ్వాలుండగలవో అవన్నీ కూడా ఆయనకి ఆపాదించబడ్డాయి. వీటిలో ప్రతీ ఒక్కటీ మనిషి అంతర్గత పరిణితికి ఒక శక్తివంతమైన అవకాశాన్ని సూచిస్తుంది. ఈ రూపాల వెనుక ఉన్న అంతరార్థాన్ని తెలుసుకుందాం.  మనం శివుడ్ని ఎంతో శక్తివంతమైన వ్యక్తిగా చూస్తాము. అదే సమయంలో ఆయనను ప్రాపంచిక లౌక్యం తెలియని వానిగా కూడా అనుకుంటాము. అందుకే శివుడి రూపాల్లో ఒకదాన్ని భోళా శంకరుడు అంటారు. భోళా శంకరుడు అంటే అమాయకుడు అని అర్థం లేదా లౌక్యం తె...
మరింత చదవండి